وون بوون
وون بوون
هێنده تامەزرۆى باوەشێکتم
ترپەى دڵەکان
لەیەک جیانەکرێتەوه
لێوانم وا به لێوانتا بلکێ
تاتنۆکەی هەنگوینی لێ ئەتکێ
ڕۆحم واتێکەڵ به ڕۆحت بێ
تەنانەت خواش
له ڕۆح کێشانا
سەری لێ تێک بچێ
کاروان حسن
ئاوێتەبوون
ئاوێتەبوون
دوو ڕەنگم تێکەڵ کرد
ئەوین دەرچوو
هەموو ڕەنگەکانم تێکەڵ کرد
ئەشق دەرچوو
تا بلۆیەکم پێ کێشا
ڕەنگ و ڕوخسارى
وەک ئاوێنه
له تۆ ئەچوو
کاروان حسن
باوەش
کە لە باوەشم ئەگڕی
هێنده ئۆقره و
ئارامم دێ ..
لە بیرم دەچێ
هەناسه هەڵکێشم !
نوسه ر : کاکه ناسر ئه بوبه کری
پشتی دەرگای چاوەکانت
پشتی دەرگای چاوەکانتهەمیشە قسەی منە
غەمی تۆ باش ئاگر لەگیانم بەردەدا
لەخەجاڵەتیدا ناتوانم
لەچاوەکانت بڕوانم
ڕوانینت لەدەرگام دەدا
خۆت ئەوە دەزانی
کەدونیا بێ وەفایە
وەرە باببین بەدوو
یەک دەست دەنگی لێنایە
ئەزانم وەک دڵم تەنگە دڵت
دڵی من شوشە و بەردە دڵت
کەلەگەڵت قسەدەکەم
تۆ قین لەمن دەکەی
لەسەر چی ژیان
لەدڵم بەژەهر دەکەی
کە لاشەی ساردی چوارچرا
کە لاشەی ساردی چوارچراوەکوو ھێشووی سەرما بردوو
لە سێدارە کرانەوە
دار.. بەجێ ما
ھەژارانی سابڵاخ بردیان
زستانیش بوو نەیانسووتان
سەرمایشیان بوو نەیانسووتان
لەو دارانە.. لەو تەختانە
چوار بێشکەی سووریان دروست کرد
لەو ڕۆژەوە ھەتا ئەمڕۆ
ئەو لانکانە
ھەر ئەگەڕێن
ئەم ماڵ.. ئەو ماڵ
ئەم دەست ئەو دەست
وەریان ئەگرن
ئەی نابینی ھەزاران قازی موحەمەد
لەسەر لوتکە وەستاون و
چەک ھەڵئەبڕن؟!
"شێرکۆ بێکەس
لێت ڕاهاتووم
ئەگەر ڕۆژێـک لێـت تووڕە بـوومئەگەر ڕۆژێک بڕیارم دا جێت بهێڵم
دڵتەنگ مەبە .. خەمت نەبێ
درێژترین ڕێی تووڕەییم
لەبەر دەرگە کۆتایی دێ
ـــــــــــــــــــــــــــــــــــــــــــــ
پەشێـوو
نیگاکانت
نیگاکانتدهرمانی شێرپه‌نجه‌ن،
ڕوم لێ وه‌رمه‌گێڕه!
برۆکانت
پردی سیراتن باریکیان مه‌که‌وه،
بانه‌که‌ومه خواره‌وه.
په‌نجه‌کانت
سه‌رمایانه،لێ گه‌ڕێ بابه‌ماچێک گه‌رمیان بکه‌مه‌وه.
چاوه‌کانت
خه‌نجه‌رێکه!
کلیان لێ مه‌ده،
بابرژانگه‌کانت ژه‌هراوی تر نه‌بن
