دوو ھەزار و پێنجسه‌د ساڵە مه‌شکه‌ی دوژمنمان ئه‌ژەنین ؛
چونکه شڵقه‌ی زل و خۆشه، بە ھی خۆشمان پێ ئه‌که‌نین
لە چاوەڕوانیدا
لە چاوەڕوانیدا
بووم بەیەعقوب
نەبویتە یوسفەکەی من
لە دووریتا
هەموو ڕۆژێ عاشورایە
لە بێ تۆیی
هەموو ڕۆژێ هەر گریان و
شیوەنی حسین ئاسایە
که ئه‌و جوانه به‌عینوانه
.که ئه‌و جوانه به‌عینوانه
به‌ناز چاوانی هه‌ڵدێنێ
ڕه‌گ و ڕیشه‌ی دڵی زارم
به‌جارێ دا ئه‌له‌رزێنێ
له پرشنگی دوچاوی ڕه‌ش
له شه‌وقی کوڵمه‌که‌ی ئاڵی
من بێ چاره وه‌ک په‌روانه
به‌بێ تاوان ئه‌سوتێنێ
که ئه‌و جوانه به‌عینوانه
به‌ناز چاوانی هه‌ڵدێنێ
ڕه‌گ و ڕیشه‌ی دڵی زارم
به‌جارێ دا ئه‌له‌رزێنێ
له‌لام هه‌رزانه گیان و دڵ
بکه شاباشی ئه‌و شۆخه
به‌شه‌رتێ یاری شیرینم
دڵی خۆی هیچ نه‌ڕه‌نجێنێ
لەکاتی سوژدەبردنم بۆ خودا
لەکاتی سوژدەبردنم بۆ خودا– بەدرێژایی کاتەکانی کڕنۆش بردنم- هیچ چرکەیەک هەستم نەکرد
کە لە من (بڵندتر و ئازادتر) هەیە
لە هەموو دنیا !
فەرهاد پیرباڵ.
به اسب های از نفس افتاده سوگند:
به اسب های از نفس افتاده سوگند:من از خیانت، جاسوس , جنگ , کشته شدن
و از در به درى و ویرانى به دست سرد اتشدانهای مهربان
بار دیگر نهراسم هرگز !
پرفسور د.پیربال
سوێند بەو ئەسپانەی کە لە هەناسە کەوتن؛
من لە خەیانەت،سیخوری،شەڕ،کوژیان و دەربەدەری و
کەلاوەیێک کە لە سەر دەستی سڕوساردی گڕکانە مێهرەبانەکانە
دیتر واهیمەیێکم نییە...
پسپۆری کورد. د. پیرباڵ
خه لاتی پیغه مبه ری شیعری کوردی حه زره تی شیرکو بیکه س
کەسک و سەوزی وەکوو بەهاربریسکەت دێ وەکوو کانی، وێنەی دەریا
دەزرینگێیتەوە وەک شەوگار
وێنەی باران بۆنی خاکمان پێدەبخشی
دەڕژێی لە پێدەشت و بنار
قووڵیت ئەوەندەی ئۆقیانووس
بەرینی چەشنی کاکێشان
وەک رۆژگار
باڵی وشەت بۆمان چەترە
دەکشێ بە سەر
هەرد و چیا
دێهات و شار
تۆ بێگەردی چەشنی بەفر
وەکوو مێلاقە لە کۆسار
تا هەتایە لە یادگەماندا دیاریت
تۆ باز دەدەی وێنەی تاڤگە
نابڕێیتەوە وەکوو مێژوو
رێگە دەبڕی چەشنی زەوی
دەهاژێنی وێنەی رووبار.
بو شیرکوی مه زن
دڵۆپ، دڵۆپ باران،
گوڵ ئەنووسێتەوە و
نمەنمەیش چاوانم تۆ!
چ ساڵاوێکی نامۆیی و
چ ژانێکی بەخشندەیە
وا لەسەرخۆ
بەرد بە بەردی
کێوی سەرم ئەپشکوێنن
لق بە لق و چڵ بە چڵی
دەست و پەنجەی وشکەڵاتووم
شین ئەکەن و وەک باویلکە
ئەمدەن بە دەم باڕێزەکەی ئەوینتەوە و
لە شەختە بەندانی گیانتا، ئەمڕسکێنن.
گڤە، گڤە "با" پێدەشتت ئەخوێنێتەوە و
نەفەس نەفەس هەناسەیشم، باڵاکەی تۆ
چ گەردەلوولێکی سەوزە و
چ ئەسپێکی ئەفسانەیی باڵدارە وا
لەم کۆتایی دنیایەوە
بە پرتاو دێ و هەڵم ئەگرێ و ئەمفڕێنێ و
دوور دوور ئەمبا
بەرەو هۆبەی ئارانی تۆ.
کلوو، کلوو بەفر گوێ بۆ چیا ڕائەدێرێ و
وشە وشەیش هۆنراوەی من بۆ سۆزی تۆ
چ بەفرانبارێکی زەردە و
چ کڕێوەی حیکایەتێ بەم ناوەختە و
لە ئاویلکەی ئەم ڕۆژەدا
وەک عەشقەکەی "برایمۆک"
پێدەشت پێدەشت و کۆ بە کۆ
بە ڕێگەی مەرگی سپیدا
ئەمخاتە ڕێ بەرەو لای تۆ...
شێرکۆ بێکەس
یەکەمین عەشق
یەکەمین عەشقئەوکاتەی
کە یەکەمجار عاشق دەبیت،
ئەگەر کتوپریش بێت،
عەشقێکی خوداییە
بەڵام،
ئەگەر بۆ جاری دووهەم عاشق بوویتەوە،
شێتیە.
من
جاری دووهەم، بەبێ بەرامبەر
شێتانە عاشق بووم!
هەتاو، مانگ، ئەستێرەکان پێکەنینیان دەهات و
منیش
بەپێکەنیەوە بۆی دەمردم.
